घरपझोंङको प्रमुख प्रशासकीयमा हरिराम नागिला ,गाउँपालिका द्वारा स्वागत

हिमाल पारीको जिल्ला मुस्ताङको घरपझोंङ गाउपालिकाको प्रमुख प्रशासकीय अधिकृतको रुपमा म्याग्दे गाउँपालिका तनहु बाट सरुवा भै आउनु भएका हरिराम नागिला लाई गाउँपालिकाले स्वागत गरेको छ । गाउँपालिकाले आइतवार एक कार्यक्रम आयोजना गरी नागिलाको स्वागत गरेको हो । कार्यक्रममा मन्तब्य राख्दै प्रमुख प्रसासकीय अधिकृत नागिलाले आफुमा भएको सिप ,क्षमता ,दक्षता र अनुभवको उपयोग गर्दै गाउँपलिकाको विकासमा सक्दो भूमिका निर्बाह गर्ने बताउनु भयो । कार्यक्रममा आफ्नो मन्तब्य राख्दै गाउँपालिकाका अध्यक्ष आस बहादुर थकालीले कोभिड १९ , प्राकृतिक प्रकोप लगायतको कारणले बिकास निर्माण आयोजनाले गति लिन नसकेको बताउदै अबका दिनमा बिकास निर्माण आयोजानाले गति लिनेमा बिश्वास व्यक्त गर्नु भयो । कार्यक्रममा गाउपालिका अध्यक्ष , वडा अध्यक्ष , कार्यपालिका सदस्य बिभिन्न शाखाका प्रमुख लगायत कर्मचारीको उपस्थिति रहेको थियो । कार्यक्रमको संचालन शिक्षा अधिकृत हिमलाल शर्माले गर्नु भएको थियो ।